Hver á þennan jólakött?

Þessi gulbröndótti högni er búin að vera að sniglast í kring um húsið mitt hér á Ísafirði í nokkra daga.  Fyrst hélt ég að hann væri bara heimilisköttur sem villst hefði af leið, hætt sér of langt.  Kettir sjá vel og vita um leið hverjir eru kattafólk og hverjir eru hundafólk. Þess vegna hefði hann leitað til okkar.  Að vísu gæti hann hafa séð inn um gluggann hjá okkur að hér búa tvær kisur, Þær Kúra Jónina og Emelía Lúra. 

       

Núna er ég ekki svo viss lengur, ámátlegt mjálmið og bænaraugun eru kannski ásökunarsvipur og nöldur. Jólakötturinn situr um mig á mínum eigin tröppum og allt vegna þess að ég keypti mér ekki nýjan jólakjól. 

Athugasemdir

[halkatla, 25.12.2007 kl. 17:41]

vá fékkstu jólakött, hhehe, hann er voða sætur, prakkarasvipur - sennilega í ætt við þann gamla

[Matthildur Ágústa Helgadóttir Jónudóttir, 25.12.2007 kl. 18:00]

Högninn hefur nokkrum sinnum komist inn í húsið og er mínum kisum enginn aufúsugestur.  Tvöföld skott og Hvæs.   Það er eitthvað í augnaráði hans sem segir mér að hann er leita eftir félagskap manna ekki katta.

[Jóna Á. Gísladóttir, 25.12.2007 kl. 18:24]

þetta er fallegur köttur. Ég er viss um að hann hefði komið þó þú hefðir keypt þér demantsskreyttan jólakjól

Gleðileg jól til þín og þinna. Takk fyrir fallegt komment mín megin.

[Ásthildur Cesil Þórðardóttir, 25.12.2007 kl. 18:32]

Vonandi finnur hann heimilið sitt það er nöturlegt að var útigangsköttur svona um jólin. 

[Heimir Lárusson Fjeldsted, 25.12.2007 kl. 21:55]

Send´ann til mín

[Þórhildur Helga Þorleifsdóttir, 25.12.2007 kl. 22:30]

Ohhhhh, þú hefur auðvitað boðið honum inn í rjúpur og rækjur.............og rjómadreitil

Gleðilega jólahátíð

[Guðrún (IP-tala skráð) 26.12.2007 kl. 00:39]

Þetta er ekki hann Viggó minn. Því miður. Agalegt að vera lokaður úti í svona veðri. Vonandi leitar eigandinn hans.

Gleðileg jól.

[Guðrún aftur (IP-tala skráð) 26.12.2007 kl. 00:40]

Gefðu Bjössa nágranna þínum hann í jólagjöf !

[Eygló kisukona (IP-tala skráð) 26.12.2007 kl. 13:29]

Fyrir alla muni, hvernig geturu horft upp á greyið kaldan og svangan, mænandi inn til þín? Hvernig væri að gefa honum í gogginn og smá yl í kroppinn. Mundu kisurnar þínar bara ekki bjóða hann velkomin?

Síðan mundi ég auglýsa hann á heimasíðu Kattholts, [e-mail]

Jólaknús á kisurnar frá mér og minni kisu, gangi þér vel með að koma krílinu til síns heima.

[Matthildur Ágústa Helgadóttir Jónudóttir, 26.12.2007 kl. 13:41]

Ég get ekki tekið hann inn, það hefur sýnt sig að mínar læður og þetta fress eiga ekki skap saman. 

Ég er aftur á móti að reyna að finna honum skjól, búin að hringja um allan bæ, auglýsa á blogginu og í Ríkisútvarpinu.  Vonandi kemur eitthvað út úr því.

[Guðríður Hrefna Haraldsdóttir, 26.12.2007 kl. 14:44]

Vonandi finnast eigendurnir. Ef þetta væri minn köttur væri ég ekki í rónni fyrr en ég væri búin að fá hann heim.

[Eygló (IP-tala skráð) 26.12.2007 kl. 15:53]

Æ, já vonandi gengur þér vel með að finna honum samastað. Við höfum stundum tekið vegvilltar kisur inn og leyft þeim að vera í þvottahúsinu. Okkar kisa okkar er svo sem ekki gestrisninn uppmáluð við aðra ketti. En það sleppur ef hún hittir gestinn ekki augliti til auglitis.
Segi eins og Guðríður, einhver hlýtur að sakna hans og vera órólegur yfir hvarfi hans.

[Ylfa Mist Helgadóttir, 27.12.2007 kl. 20:26]

Ég get líka reddað þér hundi ef þú vilt?

[sigríður karlsdóttir (IP-tala skráð) 28.12.2007 kl. 14:36]

Kisi sat um okkur hér að mánagötu 9 líka ég hélt að hann vildi hitta  dýrin sem voru í jólaheimsókn hjá mér (kettling og hvolp) en sennilega vildi hann bara komast í jolamatinn og hlýjuna,ég vona að hann komist heim til sín.

         Gleðileg Jól.

[Eygló (IP-tala skráð) 28.12.2007 kl. 14:41]

Þú mátt til að upplýsa okkur kattavinina um hvar kisa er niðurkomin. Vonandi ekki ennþá úti í þessum fjárans kulda...

[Linda Pé, 4.1.2008 kl. 09:48]

Æj... aumingja Kisi :-) Vonandi er hann komin til síns heima á nýju ári!

Til hamingju með afmælið Matta

[Siggi Finna (IP-tala skráð) 4.1.2008 kl. 14:29]

Gæti verið kötturinn hennar Diddu á Selsvöllum Grindavík kv Siggi Finna

[Vilborg Davíðsdóttir (IP-tala skráð) 4.1.2008 kl. 16:17]

Þér var nær að fá þér ekki nýjan kjól fyrir jólin! En í dag gefst nýtt tækifæri, ferð og færð þér afmæliskjól og gáir svo á tröppurnar. Til hamingju með daginn, kæra vinkona!

[Þórhildur Helga Þorleifsdóttir, 4.1.2008 kl. 23:22]

Það er aldeilis að þú ert upptekin af því að finna heimili kattarins,- sé þig í anda askvaðandi um allan bæ og upp í fjöll til jólasveinanna og Grýlu með köttinn,- amk hefur þú greinilega engan tíma til að stunda blogg ;)

[Gló Magnaða, 7.1.2008 kl. 15:57]

Hahhahahhahah.........

   hahah......

Já hættu þessu bulli og farðu bara með köttinn til Bjögga eða það sem er miklu auðveldara: Framkvæmdu nýtt blogg!!!

[Matthildur Ágústa Helgadóttir Jónudóttir, 7.1.2008 kl. 16:21]

Hann fór í gær, ég gæti best trúað því að Grýla hafi sótt hann................hver er þessi Bjöggi?  Er hann einn af jólasveinunum?

[Eygló (IP-tala skráð) 8.1.2008 kl. 00:59]

Vonandi hefur þessi fallegi kisi fundið fyrra heimili sitt, nú eða einhvern sem vill vera góður við hann. Hlýtur að hafa verið svo gott sem hungurmorða, búin að vera úti á Guði og gaddinum síðan í fyrra.