Mál Matthildar

20.2.2008 | 22:54

Hún er á klósettinu

Að minnsta kosti ein manneskja hefur skammað mig einu sinni fyrir að vera ekki persónulegi bloggarinn og til að gera henni til geðs eins af því að sagan er góð, langar mig að segja ykkur frá unglingavandamálinu sem ég lenti í áðan.

Það hringdi ókunnugur maður heim til mín áðan og spurði kurteislega hvor ég væri viðlátin. Unglingurinn sem svarað hafði í símann sagði að bragði nei, hún er á klósettinu Það var svo sem engin lygi, enda þurfa konur líka á klósett þó það fari ekki hátt, hafði hann varla sleppt orðinu þegar ég kom inn í eldhúsið og hann hélt áfram hún er búin og rétti mér símtólið. Ég, sem ekki hafði heyrt neitt af því sem fram fór tók við símanum og átti þetta undarlega símtal við mann sem reyndi að vera alvarlegur en gat varla rætt við mig vegna hláturskasts. Okkur tókst þó að ljúka erindinu. Eftir að ég hafði lagt á og hafði orð á því hvað maðurinn var kátur, þrátt fyrir algjörlega húmorssnautt erindið, útskýrðu unglingurinn og faðir hans af hverju manninum var svona skemmt. Þeim var líka skemmt.

Flokkur: Bloggar | Facebook

Athugasemdir

Hehehehe unglingurinn hefur bjargað deginum hjá þessum manni, það er ljóst.

Ragnheiður , 21.2.2008 kl. 01:02

Matthildur þú ert dásamleg

Ásthildur Cesil Þórðardóttir, 21.2.2008 kl. 10:34

Hahaha, ég vil benda þér á að nota sömu taktík þegar einhver af hinu kyninu hringir í unglinginn. Verst hvað gemsar eru orðnir algengir, en ég hef þó nokkrum sinnum náð að segja við vini systur minnar þegar þeir hringja að hún komist hreinlega ekki í símann, hún sé að gera númer tvö. Þetta er mjög vinsælt grín skal ég segja þér, þó ég hugsi að það henti betur eldri systkinum en foreldrum.

Tinna Ólafsdóttir (IP-tala skráð) 21.2.2008 kl. 11:55

Ha ha ha hrikalega fyndið :D Vinkona mín var að vinna í ráðuneyti í borginni og hún sagði mér frá stúlku sem var í sumarafleysingum og svaraði símanum fyrir háttvirta ráðuneytisstarfsmenn. Eitt sinn var spurt eftir lögræðingi ráðuneytisins og þá svaraði stúlkan að bragði að hún væri á klósettinu (sem var satt því hún hafði séð hana fara þangað inn). Vinkona mín missti andlitið því henni hefði aldrei dottið í hug að fólk svaraði svona í símann á vinnustöðum ráuneytum eða ekki ! Stúlkunni var auðvitað kennt að svara í símann eftir þetta