Markaður minninganna á Langa Manga

það má segja að fyrirsögnin hér að ofan um markað minninganna sé tvíræð.  Annars vegar á ég við að kaffihús eins og Langi Mangi var, þegar öllu er á botninn hvolft, lítið meira en markaðstorg fyrir fólk að skapa sér minningar.  Hins vegar er ég að vekja athygli á því að á fimmtudag og föstudag frá 13 til 17 verður haldinn markaður á Langa Manga þar sem hlutir tengdir rekstrinum verða seldir.

Á þessum skemmtilega markaði, það sem allt á að seljast, verður bæði hægt að kaupa fánýti sem og nytjahluti.  Hvort sem þig langar í uppþvottavél, sem þvær á á nokkrum mínútum, glös, diska eða nokkra stóla og borð.  Jafnvel hluti sem notaðir voru til skrauts. Hluti sem ásamt gestum og starfsfólki að bjuggu til þessa heimilislegu stemningu sem alltaf einkenndi Langa Manga.

Eitt er víst að það fylgir saga hverjum diski og glasi.  Ef borðin gætu talað segðu þau okkur frá fyrstu kynnum gestanna.  Frá augnagotum, brosum og stöku ygglibrún.  Frá leyndarmálunum sem hvísluð voru yfir borðin. þau segðu okkur líka frá fastakúnnum sem helst sátu alltaf á sama stað.  Frá erlendum gestum sem struku borðin og brostu vissu að þeir voru að snerta sjálfa þjóðarsálina. 

Ef þú villt eignast einhvern hlut til minningar um Langa Manga nú eða bara gera góð kaup áttu fullt erindi á þennan markað minninganna. 

 

 

 

Athugasemdir

[Sólveig (IP-tala skráð) 14.8.2008 kl. 09:02]

Klukkan hvað opnar markaðurinn ?

[Ásthildur Cesil Þórðardóttir, 14.8.2008 kl. 09:08]

Ég ætla að mæta.

[Matthildur Ágústa Helgadóttir Jónudóttir, 14.8.2008 kl. 09:33]

Markaðurinn er opinn frá klukkan 13 til klukkan 17 báða dagana. 

[Ebba (IP-tala skráð) 14.8.2008 kl. 13:11]

Sæl!  Langar rosalega í eitt af fallega skreyttu borðunum þínum.  Athuga hvort ég get ekki fengið e-n ættingja fyrir vestan til að mæta og bjóða í.  Kv. Ebba

[Matthildur Ágústa Helgadóttir Jónudóttir, 14.8.2008 kl. 16:36]

Sæl Edda  Ef þú hefur áhuga á mosaik borðunum þá er best þú sendir mér einkapóst á [e-mail].  Það eru nú þegar tvö þeirra seld.  þjóðbúningaborðin.