Ólofaðar konur mótmæla á Ísafirði

Mikill kurr er í röðum ólofaðra kvenna á Ísafirði og í nágrennis og hafa samtök þeirra sent frá sér harðorða ályktun í kjölfar yfirlýsingar verktakafyrirtækisins Ósafls.  En eins og kunnugt er gáfu forsvarsmenn Ósafls út þá tilkynningu á dögunum að einkum ætti að notast við heimamenn í vinnu við Óshlíðargöng. 

Í tilkynningunni kemur fram að Hagsmunasamtök ólofaðra kvenna á Ísafirði og nágrennis lýsir miklum vonbrigðum og stórum áhyggjum af þeirri ákvörðun Ósafls að ráða einungis heimamenn í þessi störf. Félagskonur skora á ráðherra félagsmála og bæjarstjórnir á svæðinu og skerast í leikinn til að koma í veg fyrir atgerfisflótta kvenna af svæðinu. 

"Þrátt fyrir mikla þenslu í íslenska efnahagskerfinu undanfarin ár, með tilheyrandi innflutningi karlmanna í hin ýmsu störf, hefur einungis lítill hluti skilað sér á okkar svæði.  Félagkonur hafa því ítrekað þurft að leita út fyrir svæðið með tilheyrandi kostnaði og fyrirhöfn. Við horfðum fram á bjarta tíma með tilkomu jarðgangnagerðar á svæðinu en nú eru blikur á lofti" sagði  félagskona, sem vill ekki láta nafns síns getið, á fundi félagsins á laugardagkvöldið.  Önnur benti á að "þó ólofaðir Vestfirðingar væru mikil karlmenni og ágætir til síns brúks, þá væru þær einfaldlega orðan leiðar á litlu úrvali".

 

 

 

Athugasemdir

[Guðrún Þóra Hjaltadóttir, 9.6.2008 kl. 15:17]

Já góðar þarna fyrir vestan.

Væri ekki gott hjá konunum að fara sjálfar í þessi störf og sína að við konur gefum ekkert eftir í jafnréttisbaráttunni,

[Jenný Anna Baldursdóttir, 9.6.2008 kl. 16:05]

[Sigurður J. Hafberg (IP-tala skráð) 9.6.2008 kl. 19:59]

sæl matthildur

það eru að jafnaði yfir fjörutíu nýjir þjóðverjar í hverri viku hérna á Flateyri

kv sig haf 

[Árni Gunnarsson, 9.6.2008 kl. 22:19]

Svo blessaðar konurnar eiga semsagt ekki að fá að njóta góðs af þessum svokölluðu "mótvægisaðgerðum!"

[G. Tómas Gunnarsson, 9.6.2008 kl. 23:32]

Þetta er auðvitað háalvarlegt mál. 

Hitt gæti þó verið að Ósafl hafi einfaldlega litið yfir hóp ólofaðrar kvenna á Ísafirði og dregið þá ályktun að það yrði of erfitt að fá aðkomumenn til að staldra við á vinnusvæðinu, og því væri það ódýrara til lengri tíma litið að ræða heimamenn til starfa.

En þetta er vissulega ósanngirni.  Auðvitað eiga ólofaðar konur á Ísafirði sjálfsagðan rétt á því að starfsmannastjóri verkefnisins komi úr þeirra röðum, eða í það minnst að fulltrúar þeirra fari yfir umsóknir.

[tóta (IP-tala skráð) 10.6.2008 kl. 10:31]

vó... er þetta djók?  stundum skammast ég mín fyrir að vera kona.

[Sigrún Sigurðardóttir, 10.6.2008 kl. 10:34]

heyr heyr

[Sigurður Þórðarson, 10.6.2008 kl. 12:39]

Þetta er grafalvarlegt mál og ég skil vel áhyggjur kvennanna.  Að vísu eru mun fleiri karlmenn en konur á Vestfjörðum en eins og flestir vita fer ekki saman magn og gæði í (eigin)mannvali þar vestra. Þess vegna er þetta skandall!

[Matthildur Ágústa Helgadóttir Jónudóttir, 10.6.2008 kl. 13:17]

Þú ættir ekkert að skammast þín fyrir að vera kona Tóta, sumt sem þú lest á alnetinu er ósatt

[Berghildur Árnadóttir (IP-tala skráð) 10.6.2008 kl. 15:30]

Hahahaha.... Ég er líka kona!! óþarfi að skammast sín fyrir það :o) alveg löngu tímabært að stofna þessi hagsmunasamtök!  nú sérstaklega þar sem himin hátt bensínverðið gerir manni það lífsins ómögulegt að leita út fyrir fjörðinn ;o)

[Ylfa Mist Helgadóttir, 10.6.2008 kl. 16:49]

Mér finnst alveg nóg að hafa gröfumanninn Einar. Hann er fallegur og góður og það sem best er, innan minnar fjölskyldu. Það telst kostur. Amk. hér í Bolungarvík.

[Sigurður Þórðarson, 11.6.2008 kl. 11:17]

Hvað sem öðru líður þá er þetta með fyndnari færslum sem ég hef séð.

[Brynja Huld (IP-tala skráð) 12.6.2008 kl. 16:29]

Eru þeir ekkert að ráða konur þarna í þessum göngum? Eða erum við ekki nógu kúl?

[Einar Halldórsson, 13.6.2008 kl. 21:03]

Ja ljótt er að heyra mín kæra Matthildur. Maður hélt nú að ykkar heimsfræga fegurðarsamkeppni myndi laða hingað karmenn úr öllum heimshornum.  Það hefur sem sagt brugðist. Svo þið eruð þá tilneyddar að notast við karla úr nágrenninu, allt er jú hey í harðindum. Ef þeir eru ekki lengur tilkippilegir væri kannski ráð hjá þér sem bareiganda að lækka verðið á víninu sem þú selur okkur.