Karlar kaupa 12 ára stúklur í Zimbabwe til að nauðga þeim

Af hverju er umfjöllun um vændi barna alltaf þannig að áherslan er lögð á börnin?  Fréttamaðurinn sem skrifaði þessa frétt upphaflega ákvað að setja áhersluna á að barnið seldi sig ekki á að karlar keyptu börnin.  Þeir sem afrituðu fréttina til birtingar í sínum miðlum ákváðu að láta orðalagið standa. 

Sumum kann að finnast að það skipti ekki miklu máli svo framarlega sem allt komi fram í fréttinni. Ég er á þeirri skoðun að það sé einmitt mikilvægt að setja áhersluna á þann sem misnotar barnið, kaupandann, nauðgarann eða hvað þið viljið kalla hann.  Stígamót og fleiri hafa margoft bent á að þessi lenska að setja alla áherslu á fórnarlambið sé röng.  Það þurfi að höfða til þeirra sem kaupa börnin.  

Fyrir mína parta mun ég aldrei samþykkja að það sé eðlilegt  viðskiptasamband að fullorðinn maður kaupi kynlíf af kornungu barni.  Ég myndi aldrei kalla það vændi ég myndi kalla það misnotkun eða nauðgun.  Ég get ekki að því gert að velta fyrir mér af hverju gerandinn, í þessu tilfelli einhverjir níðingar sem misnota fátækt 12 ára barna, er ekki úthrópaður af fjölmiðlum. Er verið að normalísera barnaklám?

Stúlkur í Zimbabwe selja sig fyrir mat

Athugasemdir

[Guðmundur Heiðar Gunnarsson (IP-tala skráð) 12.6.2009 kl. 15:33]

Ég er svo sammála þér

[Hanna (IP-tala skráð) 12.6.2009 kl. 15:40]

Ég dobbla það !

[Kiddi (IP-tala skráð) 12.6.2009 kl. 16:11]

Þarna er ekki síður verið að vekja athygli á ástandinu sem orsakar það að 12 ára stúlkur þurfi í alvöru að selja sig fyrir mat.

Þessi fyrirsögn virkar sterkar á mig heldur en "fullorðinir karlmenn kaupa vændi hjá 12 ára stúlkum í Zimbabwe". 

Fréttamaðurinn hefur þetta höfundarfrelsi að nálgast fréttina frá þessu sjónarhorni en ég held að hann sé ekki að gera lítið úr fórnarlömbum þessara skelfilegu aðstæðna heldur þvert á móti.

En það er bara mín skoðun.

[Björg Sigurðardóttir (IP-tala skráð) 12.6.2009 kl. 16:46]

Ég vil þakka þér fyrir að bera þetta upp. Ég vil að fréttir af þessum toga verði í framtíðinni með þeim blæ sem þú lýsir. 

[Karla (IP-tala skráð) 12.6.2009 kl. 18:06]

já það er með ólíkindum og óþolandi hve treglega gengur að breyta þessum áherslum og fókus í fjölmiðlum þ.e frá þolanda ofbeldis yfir á gerandana. Hverjir eru þessir ofbeldismenn sem beita ofbeldi? takk fyrir að vekja athygli á þessu.

[Rúnar Þór Þórarinsson, 12.6.2009 kl. 19:20]

Góður punktur.

[hugsandi (IP-tala skráð) 12.6.2009 kl. 20:40]

Þetta hefur lengi pirrað mig óstjórnlega. það er sagt einhver braust inn, ekki hús varð fyrir innbroti, einhver var tekin fyrir umferðarlagabrot ekki umferðalög urðu fyrir lögbroti. Þegar karl nauðgar konu er sagt; ,,konu var nauðgað" auðvitað væri eðlilegt að segja,, karlmaður nauðgaði konu. " Það er stórfurðulegt að þeir sem hafa brotið gegn börnum segja oft ,,þau vildu þetta, þau báðu um þetta, þau mótmæltu ekki'' Eins og það sé ekki nógu oft ítrekað að sá fullorðni eigi að hafa vit til að taka ekki þátt í neinu kynferðislegu með barni, þó svo að það óski eftir því vegna þess að barnið hefur ekki þroska til, að aðstæður til að meta verknaðinn. Hins vegar þarf að gæta að því að barn sem lent hefur í kynferðisbrotamanni upplifi ekki að skömmin sé svo mikil að það eigi sér ekki viðreisnar von. Þegar við gagnrýnum brotið má ekki gera annað úr kynferðisbroti en öðrum misþyrmingum ekki bæta við einhverri skömm sem tengist kynlífi sem slíku, því nauðgun hefur ekkert að gera með kynlíf að gera, og sala á kynlífi er vinna séð frá augum þess sem selur.

[Hanna (IP-tala skráð) 12.6.2009 kl. 21:58]

Kiddi!

Það er augljóst að í landi þar sem 95% atvinnuleysi ríkir. Þá mun hver sem er gera hvað sem er til að fá mat.

Það sem ber að upplýsa er hinsvegar, að það sé verið að misnota neyð fólks með jafn auðvirðilegum hætti og kemur fram í greininni.

[Árni Gunnarsson, 12.6.2009 kl. 22:30]

Þakka þér fyrir að benda á þessa breyttu áherslu. Ég skal játa að þetta hafði ég ekki komið auga á. En þetta er auðvitað eina leiðin til að segja satt og rétt frá raunveruleika þessa viðurstyggilega athæfis.

[Sigurður Þórðarson, 13.6.2009 kl. 08:21]

"Fyrir mína parta mun ég aldrei samþykkja að það sé eðlilegt  viðskiptasamband að fullorðinn maður kaupi kynlíf af kornungu barni."

Getur verið að þú haldir að "þínar" skoðanir séu eittvað sérstakar?

Ég þekki engan sem er á annarri skoðun enda er viðbjóður af fullorðinni manneskju að misnota barn.  Sá einstaklingur sem það gerir er stórkostlega brenglaður og veldur óbætanlegum skaða.

Ábending þín er ef til vill réttmæt. Ef ný nálgun getur leitt til færri afbrota þá ber að fagna því. Ég vil taka miklu mun fastar á þessum brotum en ég veit ekki hvaða leið er árangursríkust. Mér skilst á fræðimönnum að þessi brenglun sé ólæknandi.

[Matthildur Ágústa Helgadóttir Jónudóttir, 13.6.2009 kl. 09:39]

Kiddi, það er einmitt þetta val fréttamanns, sem við köllum oft fjórða valdið, sem ég er að benda á. Það skiptir máli hvernig mál eru sett fram, það skiptir máli hvar áherslan er og út frá hvaða punkti fréttin er skrifuð. Þó það þýðir ekki endilega að frétt verði röng.

Sigurður, Öllum þeim sem kaupa eða selja börn í vændi, öllum þeim sem skoða klámmyndir af börnum finnst þetta eðlilegt.  Sú venja að fjalla um þessi mál frá þessum sjónarhóli hjálpar þeim sem níðast á börnum, því það má lesa úr svona skrifum að ábyrgðin sé að einhverju leyti hjá börnunum sjálfum.

[marco (IP-tala skráð) 13.6.2009 kl. 11:27]

Að vissu leyti er þetta hárrétt hjá þér.  Aftur á móti er með þessari nálgun lögð meiri áhersla á eymdina en grimmdina.

Annað varðandi barnaníð.  Andlegur leiðtogi yfir milljarðs manna ástundaði og löghelgaði barnaníð.   Nú fjölgar fylgjendum hans á vesturlöndum stjórnlaust og útbreiðendur boðskapar hans eru jafnvel farnir að tala í kirkjum á Íslandi.

Hvað finnst fólki um það?

[Matthildur Ágústa Helgadóttir Jónudóttir, 13.6.2009 kl. 23:08]

Skúli í málflutningi þínum endurspeglast sérkennileg þversögn.  Á sama tíma og þú gagnrýnir mig fyrir að eyða öllu púðrinu í að benda á hvernig umfjöllun um barnaníð geti átt þátt í að normalísera slíkan verknað í stað þess að berjast gegn vandamálinu sjálfu (eins og þú orðar það) eyðir þú þínu púðri í að gagnrýna mig og aðra femínista í stað þess að taka á vandamálinu sjálfur.  

Þú hefur að sjálfsögðu ekki eina einustu hugmynd um hvort eða hvernig ég hef barist gegn barnaníði. Auk þess er það augljóst að þó þú sjáir ekki samhengið þýðir það ekki endilega að samhengið sé ekki fyrir hendi.

[Sigurður Þórðarson, 15.6.2009 kl. 02:03]

Matthildur,

þeir sem verða fyrir kynferðislegri örvun vegna  barna eru  afbrigðilegir og veikir, sennilega krónískt. Ég held að álit okkar á þeim breyti þeim ekki, hvað þa´lækni þá af þessu.  Þeir sem kaupa og selja börn eru glæpamenn.

Um þetta erum við vonandi flest sammála og eins hitt að þetta eru svo alvarlegir glæpir að við megum einskis láta ófreistað til að stöðva þá hvenær sem það er hægt. 

Því miður eru engar hókus pókus töfralausnir til í þessu ekki frekar en það var ekki hægt að gera Ísland fíkniefnalaust árið 2000 eins og einn flokkur lofaði.  Ég vona að ég þekki enga manneskju sem þykir sjálfsagt að gera þetta.  Ég held að flest ef ekki allt skyniborið fólk átti sig á að börn selja sig ekki nema í sárri neyð.  Gott hjá þér samt að vekja athygli á þessu. Samfélagið er alltof kærulaust fyrir þessum vanda.

[Sigurður Þórðarson, 9.7.2009 kl. 14:33]

Barnaníð er miklu meiri glæpur en margir gera sér grein fyrir. Við eigum með opnum hug að skoða allar hugmyndir sem geta leitt til meira öryggis barna.  Í því ljósi er þessi hugmynd þín Matthildur jákvæð. En þjóðfélagi má ekki sleppa tifandi tímasprengjum út á götu. Barnaníðingar eru krónískt kinkaðir og þeir lagst ekki þó þeir fari í fangelsi en það heldur þeim frá börnunum á meðan. Þess vegna verða þeir að vera undir stöðugu eftirliti.

Áhættan sem við tökum með hörðum refsingum er hins vegar sú að þeir láti börnin hverfa frekar en að eiga á hættu að upp komist. Því miður höfum við karlar ekki verið nógu duglegir við að vinna gegn þessu. En mér dettur ekki í hug að halda að  körlum frekar en konum finnist eðlilegt að "kaupa" kynlífsþjónustu barns. Menn sem gerðu það yrðu hreinlega barðir af öðrum körlum ef upp kæmist. Við höfum jú öll verið börn og flest okkar eigum börn.  

Takk fyrir að vekja máls á þessu þetta er þörf umræða.